ت Saumspretturnar ت

Hætt!

Mon, 10 Dec 2007 14:22:17 GMT

Nenni þessu ekki lengur :haha: Bæjó. Jóna :D - - og Eygló ;)

Myndir frá Skilaboðaskjóðunni

Sun, 25 Nov 2007 14:52:40 GMT

Hér eru nokkrar af þeim myndum sem hinn efnilegi ljósmyndari faðir minn tók þegar við 9. og 10. sýndum Skilaboðaskjóðuna á kvöldvökunni..fyrir ca. tveimur vikum ;) Við erum búin að hafa aukasýningu fyrir æsta aðdáendur, hún var á miðvikudaginn og gekk svona líka glimrandi vel!

(Afsakið þetta hávaxna fólk sem er að troða sér inn á myndirnar...og hvað sumar myndirnar eru dökkar.. og já.. óskýrar :$)

Illþýðið: Björg stjúpa, Hildur norn og Pétur úlfur!

Maddamamma und Dreitill.

Dvergarnir! Snigill njósnadvergur að setja hinum frá því að Putti sé horfinn.

"Því tilveran er leikur, sem leikin er af öllum.."
Allir að syngja saman! :haha:

Maddamamma að blanda geði við stórhættulega norn og nátttröll!

Hans og Gréta að syngja nammilagið!

Nenni ekki að setja inn fleiri myndir, vonandi virkar þetta og munið að nota endurskinsmerki.

Jóna :haha:

Holidays are coming..holidays are coming..

Sun, 11 Nov 2007 17:35:29 GMT

Úhúhúú það er svo stutt í jólin, jólabarnið í mér er farið að hlakka til :D Oh, það er svo gaman að föndra jólakort, og baka og hlusta á jólalög og dúddírú..

Nú, það er sunnudagur í dag og vikan var bara hin fínasta :D Á fimmtudaginn var náttúrulega kvöldvakan og leikritið okkar, Skilaboðaskjóðan sko, tókst bara óótrúlega vel, miklu betur en ég bjóst við. Allir voru líka rosalega ánægðir með okkur og það var eitthvað skrafað um aukasýningar...:haha: Ætli það yrði ekki bara gaman?

Á föstudaginn fór ég svo með Kötu og Eiríku í lónið haha..það var algjör snilld :haha: Okkur Kötu tókst að ljúga því í Eiríku á leiðinni að það væri eldgos í Kröflu..:$ :lol:..hún komst reyndar að sannleikanum á endanum, en splæsti samt á okkur ís eftir baðferðina og svo enduðum við auðvitað á því að hafa sleepover, þannig þetta var bara algjör snilld ;)

Og í gær var svo afmæli hjá Grétu. Það mættu reyndar ekkert rosalega margir en það var samt ýkt kósí og við horfðum á It's a boygirl thing, hún er bara ótrúlega fyndin og krúttleg...:D

Arrg..ég er að drepast úr strengjum..ég var nefnilega ekkert búin að fara í íþróttir í laangan tíma út af lungnabólgunni, og svo fór ég á tveggja tíma fimleikaæfingu á föstudaginn og þriggja tíma í gær..þannig að..já :|

En hafið það gott :D

Jóna

Guten Tag

Thu, 08 Nov 2007 17:39:07 GMT

Tvö nýfædd börn lágu við hlið hvors annars á fæðingardeildinni. ,,Hæ" hvíslaði annað. ,, Ert strákur eða stelpa?" ,,Ég veit það ekki," svarði hitt. ,,Hvað ert þú?" ,,Ég er strákur," svaraði það fyrra, ,,Snúðu þér við og ég skal sýna þér það." Hann lyfti upp sænginni til að að sýna hvað þar væri undir. ,,Sjáðu þarna niðri," sagði hann ,,ég er í bláum sokkum". Já ég vissi ekki að félagsfræðibókin mín gæti innihaldið eitthvað svona krúttlegt en ég las þetta þegar ég var að lesa fyrir próf í gær. Annars er allt gott að frétta af mér kreisí mikið að gera og svona. En það er líka ágætt. Svo er ég líka alveg að verða 16 vei vei vei og það þýðir að ég er að fara að læra á bíl. Góðar stundir Halldóra :D

Vangaveltur

Sun, 04 Nov 2007 20:31:03 GMT

Mér finnst eiginlega vera komið að svona tímapunkti þar sem við þurfum að ákveða hvort við ætlum að hætta með síðuna eða gera eitthvað róttækt.

Allavega nenni ég ekki að vera með hana lengur ef hún á að vera svona..því þetta er alltaf þannig að við bloggum bara þegar fólk er búið að væla í svona mánuð. Og ég held að við séum allar komnar með leið á síðunni. En allavega þá er þetta bara mín skoðun!

Ættum við kannski að fá okkur nýja síðu eða bara hætta alveg?

Jóna ;)

Hver setti kóalabjörn í sokkabuxurnar mínar ?

Tue, 16 Oct 2007 17:06:12 GMT

Góða kvöldið !

Núna ætla ég ekki að koma með upptalningu á öllu því skemmtilega sem gerst hefur hjá mér síðustu 5 vikurnar heldur bæta aðeins í kjánasögusafnið af sjálfri mér, enn og aftur.

Þetta er samt aðallega fyrir stóru góðu frænku mína sem er í Frakklandi að deyja úr kulda og vosbúð, grey barnið !

Eins og þeir sem mig þekkja kannast eflaust við, get ég verið heldur klaufsk, gleymin og utan við mig. Og það var ég í mínu gamla rólega umhverfi. Þið skuluð taka eins og 5 sekúndur í að íhuga hvernig ég er inn um fullt af fólki allan sólarhringinn og þar sem að allt er að gerast! Já, þau ykkar sem að eitthvað þekkja mig hafa eflaust fengið heldur slæma útkomu.

Eftir fyrstu vikuna voru starfsmenn Lundar farnir að kannast vel við mig þar sem að ég hafði læst mig svona hér um bil 8 sinnum úti, ég gleymi hlutum, segi kjánalega hluti, er utan við mig, og geng á hluti. Ég hafði verið rúma viku í skólanum þegar ég gekk á dyrakarm fyrir framan allan 27 manna bekkinn minn. Já ég hreinlega misreiknaði mig eitthvað og hitti ekki á dyrnar...sorglegt, en satt. Það hló hver einasta manneskja og að sögn bekkjarbróður míns var ég er eins og peysan mín á litin. Þið getið sennilega sagt ykkur sjálf hvernig hún er á litinn !

Ég gekk líka á umsjónarkennarann minn á leiðinni niður í Kvos um daginn, það var vel vandræðalegt, en ég held að það versta sé eftir!

Þannig var að ég, Tobba, Jósa, Karen Sif og Rakel brugðum okkur í bæjarferð einn ágætan eftirmiðdag. Við kíktum í ýmsar búðir þar á meðal Gallerí. Ég og Jósa brugðum okkur í mátunarklefa og fórum í agalega smart föt, komum svo út aftur rosalega flottar og létum stelpurnar vega og meta. Ég spásseraði þarna frammi í einhvern tíma en ákvað svo að koma mér aftur í fötin. Ég vippaði mér inn í klefann en áttaði mig fljótt á því að þetta var ekki minn mátunarklefi, heldur Jósu. Ég bregð mér út úr honum eldsnöggt en klessi þá á manneskju. Áður en að höggið kom greip mig þvílík skelfing! Guð minn góður hugsaði ég, þessi stelpa er alveg eins og ég. Þetta þaut í gegn um huga minn á leifurhraða áður en að höggið dundi á mér.Svo kom höggið. Þá áttaði ég mig, mér til mikillar gremju, á því að þetta var ekki manneskja sem að ég hafði klesst á ...heldur spegill.

En grátlegt, enda skældi dágóða stund af niðurlægingu og geðshræringu á eftir. Ég var svo hrædd ! Að sjá manneskju sem er bara alveg eins og maður sjálfur.

Stelpurnar hlógu frekar mikið að mér, en ég gat alveg hlegið með þeim eftir að ég jafnaði mig. En jæja ég nenni ekki að skrifa meira.

Koss og knús af vistinni ... Hallldóra :)

Buona mattina

Thu, 04 Oct 2007 10:09:41 GMT

Halló Halló

Ég ætla að blogga eilítið núna, svo ég geti haldið áfram að kalla mig einn af eigendum þessarar síðu. (; Skólinn kominn á fullt skrið og fjarnámið mitt í VMA gengur bara þónokkuð vel skal ég segja ykkur (:

Styttist í Kvöldvökuna ;D Erum að hugsa um Skilaboðaskjóðuna eða kannski Gauragang, svo hefur eitthvað verið minnst á Sitji Guðs Englar. Mér finnst þau öll fín svo mér er alveg sama hvaða leikrit við tökum, bara að við tökum ekki Litlu Hryllingsbúðina eða Pirates of the Caribbean eða eitthvað álíka fáránlegt!, þá er ég sátt ;Þ

Seinustu vikur og bara mánuði hef ég fengið að heyra allt of mikið af spurningum eins og "Í hvaða skóla ætlaru?" "Á hvaða braut langar þig á?" "Ætlaru ekki að taka öll samræmdu prófin?" Úff ég fæ höfuðverk af þessu. Málið er að ég hef ekki hugmynd um í hvaða skóla, hvaða próf ég ætla að taka, hvað þá hvaða braut verður fyrir valinu. Í síðustu viku fór ég með bekknum að skoða MA og þetta virðist vera hinn fínasti skóli, félagslífið mjög spennandi og allt bara rosalega kósí. Skoðuðum VMA í fyrra og mér finnst hann líka mjög spennandi. Svo eru Laugar líka alltaf í boði, en, mig langar meira til Akureyrar (; Svo á morgun eiga víst allir að vera búnir að ákveða hvaða samræmdupróf þeir ætla að taka, og ég.. er auðvitað ekki búin að ákveða hvaða próf ég ætla að taka. Íslenska, danska og náttúrufræði allavegana, er ekki alveg viss með samfélagsfræðina, en ég tapa engu á því að taka hana, svo.. kannski skelli ég mér bara á

hana, svona til öryggis ef svo skemmtilega vildi til að mig langi að fara á félagsfræðibraut. ;P

Ojæja.. Oprah Winfrey er að fara að byrja, ;P

Arrivederci

- -

Eygló litla veika.

Tvær myndir úr skólanum; Arnþrúður, Aðalbjörg, Hildur, Hulda, Björg, Eygló & Jóna. (:

Monday, monday

Mon, 17 Sep 2007 21:15:13 GMT

Sælt veri fólkið :D

Helgin hjá mér var bara nokkuð skemmtileg. Á föstudaginn fórum ég og mamma til Húsavíkur í heimsókn til ömmu og fórum líka til bróður mömmu og það var bara gaman ;)
Á laugardaginn var ég svaka dugleg og myndaleg, því ég bjó til Tortillaspönnukökur. Já ég bjó sko pönnukökurnar til sjálf, eftir e-ri uppskrift sem ég fann þegar ég var að grufla í uppskriftarbókum :D Þetta urðu hinar fínustu pönnukökur sem við borðuðum með sósu, grænmeti og öllu tilheyrandi :haha: Og ég fór líka í lónið sem var býsna kalt en allt í lagi.

Nú er ég búin að fá Sims 2 H&M Fashion Stuff, þetta er bara svona aukapakki með nýjum fötum frekar flott, en það eru engir nýir hlutir eða möguleikar eins og í University eða þannig. Ég er ekki alveg búin að læra á hann, hélt að það væri hægt að setja upp tískusýningu og gera föt en er ekki alveg viss :$ en þetta kemur allt :)

Svo er ekkert meira að frétta frá mér en ég verð að koma einu frá mér í sambandi við pönnukökur (útaf Tortilla-kökunum áðan ;) ) Fyrir nokkrum vikum var bekkurinn minn að gera pönnsur í heimilisfræði. Eitthvað tók baksturinn langan tíma því þegar kökurnar voru tilbúnar og búið að ganga frá öllu voru bara fjórar mínútur eftir! En við settumst nú samt niður og hámuðum um það bil þrjátíu kökur í okkur áður en hringdi út! Og við vorum sjö :haha:

Jóna ;)

Það var einu sinni....

Fri, 07 Sep 2007 00:37:15 GMT

Núna hafa Eygló og Jóna staðið í stórlegum breytingum, til batnaðar á síðuskruddunni. Þeim tókst glæsilega upp í alla staði. Í kvöld var ég að vinna í kaffiteríunni og lífið gekk sinn góða vanagang, Eygló og Jóna komu í kakó til mín og við spjölluðum um óeðlilegar draumfarir mínar skóla, og flest annað sem finnst milli himins og jarðar.

En ástæðan fyrir þessari færslu er eiginlega myndin af Tímon og Púmba sem að stelpurnar settu inn. Hún er svo sæt og þegar ég var búin að virða hana fyrir mér um stund varð ég aftur 5 ára. Og ég fór að hugsa um allt sem að ég gerði, allt sem að mér fannst og allr sem að ég hélt og trúði þegar ég var lítil og hafði ekki hugmynd um að ég ætti eftir að stækka svona fljótt.

Þegar ég var lítil... Átti ég heima með mömmu, pabba og Bjarna (Nammini) uppi hjá ömmu og afa. Ég skildi ekki af hverju mömmu og pabba fannst hæðin okkar plásslítil en samt þurfti pabbi að smíða rúm handa mér sem passaði inn í eina skotið sem eitthvað pláss var í í svefnherberginu þegar Helga fæddist.

Ég átti bestu ömmu og afa í heiminum og ég vildi læra að prjóna eins og amma og einu sinni stalst ég í neftóbakið hans afa og í skelfingu minni snýtti ég mér í viskastykki. Afi kenndi mér líka að tefla og ég notaði stafina hans fyrir hesta. Amma kenndi mér að spila á Gamla Nóa og Það er leikur að læra á orgelið og spilaði við mig á spil. Ég átti ótrúlega góðan hund sem hét Týra, hún var mjúk og viðræðugóð.

Ég hélt að amma Halldóra ætti heima i stífluhúsinu við Helgey ( sem er 2 km í burtu ) og ég gat engan veginn skilið af hverju við fórum svona sjaldan í heimsókn. Svo með tímanum tókst fullorðna fólkinu að koma mér í skilning um seinna meir, að amma mín byggi ekki þar heldur í þriggja hæða húsi í hlíðunum í Reykjavík. Ég hélt líka að pósturinn kæmi fljúgandi, ég man alltaf eftir því hvernig ég sá dagblaðið fyrir mér koma svífandi í póstkassan. Þetta hélt ég þrátt fyrir að Ívar í Haganesi kæmi með póstinn og stundum kom hann meira að segja í gluggann niðri hjá ömmu og afa og gaf mér nammi.

Ég átti kind sem hét Skrítla, hún var móflekkóttt, gæf og elskaði brauð, hún eignaðist alltaf hrúta og ég var alltaf jafn leið því þeir fengu ekki að lifa. Samt eignaðist hún gimbrar seinustu tvö vorin sem hún lifði og varð því mikil ættmóðir. Pabbi gaf mér líka stundum hrúta ég man sérstaklega vel eftir honum Blóma mínum og ef að ég man rétt hlaut hann þessa nafngift vegna þess að hann var með bláan spreyblett á bógnum sem að mér fannst eitthvað blómalegur. En pabbi minnist oftar á hann Drullusokk minn sem að ég skírði þegar ég var þriggja ára og svo átti ég Glanna. Einu sinni ungaði pabbi út hænueggjum í útungunarvélinni, ég tók miklu ástfóstri við ungana, Kasper Jesper og Jónatan sem reyndust vera hænur með tímanum.

Ég lék mér í búinu á sumrin, það heitir Bátabyrgi og það var lang skemmtilegast þar þegar að Snædís var með. Þegar að ég varð fjögurra ára gáfu mamma og pabbi mér Konung ljónana. Ég man ennþá eftir mér í ullarpeysu sem amma hafði prjónað, sitjandi í stofugólfinu grátandi að horfa á Mufasa deyja. Ég grét líka þegar að Gunni og Felix hættu með stundina okkar. Þegar ég var lítil, horfði ég á Sigla himinfley og las Byggðir og bú Suður Þingeyinga. Þegar ég var lítil var ég í besta leikskóla í heimi með bestu krökkum í heimi. Ég ætlaði ég að giftast Hrólfi og ég var svo sár þegar að amma sagði að ég gæti það nú varla strax. Ég hengdi myndirnar mínar upp í stigaganginum og skrifaði ÖRN 87 á sumar því að það stóð á flottu myndunum í stofunni hjá ömmu og afa.

Ég hljóp upp og niður stigann eins og ég veit ekki hvað og skildi ekki hvað fólk var að tala um að hann væri brattur. Í dag finnst mér hann skuggalega brattur og þrepin skelfilega grunn og hleyp ekki niður. Einu sinni læsti ég mig inn á baði og mamma og pabbi ætluðu aldrei að ná mér út. Ég reydni að róa þau með því að þetta væri allt í besta lagi því að þau gætu alveg gefið mér að borða inn um gluggann, endaði með því að pabbi þurfti að taka hurðina af hjörunum til að ná mér út. Mér fannst dagblaðapappír góður á bragðið og póstteygjurnar líka, mömmu og ömmu til mikillar mæðu. En best af öllu í heiminum var silungur og silungsaugun voru það allra besta og ég fékk nóg af þessu öllu saman.

Núna meira en 10 árum seinna er margt og mikið breytt. Ég bý í nýju stóru húsi með engum afa og engri ömmu niðri. Gamla góða húsið okkar er oftast tómt en samt er allt eins og þar var, það vantar bara fólkið í það. Ég á gömu góðu Týru ekki lengur, en þrjá staðgengla þó. Þessi bitra, eftirminnilega reynsla mín hefur haldið mér frá því að taka í nefið, enn sem komið er og ég kann að prjóna, hekla og sauma út alveg eins og amma, bara ekki eins vel. Ég horfi ekki á þennan skrípaleik í dag, sem þeir reyna að bjóða upp á sem stundina okkar. Verð samt að segja að sú sem er núna fellur aðeins betur í kramið hjá mér heldur en bægslagangurinn í Bárði og Birtu. Ég held að ég geti sagt með fullri vissu að við Hróflur setjum ekki hringana upp að svo stöddu og kyssum bara flest alla nema hvort annað. Ég hef lært nógu mikið um sýkla og bakteríur til að hafa vit á því að hætta að hafa dagblöð og póstteygjur upp í mér og það er enginn silungur í vatninu lengur.

Núna er ég orðin stór ... Ég er að fara að heiman eftir nokkra daga og hlakka til, en samt langar mig alltaf pínu að verða aftur lítil. Halldóra

BREYTINGAR

Thu, 06 Sep 2007 18:59:27 GMT

Gott fólk :D

(tveir áhugasamir)

Hér á síðunni hafa í dag farið fram stórvægilegar breytingar ;)

Nýr banner var búinn til af eðaltæknimönnum og öllum óþarfa fleygt út.

Komið endilega með hugmyndir að einhverju nýju og skemmtilegu og við munum reyna að bregðast við :)

(Þið gætuð þurft að bíða smá eftir bannernum ;)

Kveðja, Eygló og Jóna tæknimenn síðunnar :haha:

Þá er skólinn byrjaður

Mon, 27 Aug 2007 21:55:28 GMT

Komið þið sæl og gott kvöld :)

Jú, fyrir stundu var ég að koma af skólasetningu Reykjahlíðarskóla og var þetta hin fínasta samkoma og gaman að hitta alla saman aftur ;) Einn galli var þó á, því tilkynnt var að það væri héðan af bannað að hafa mp3spilara og iPod í skólanum! Pff. Ekkert smá fúlt!
En, það er víst líka búið að ákveða að hafa val og það er ekkert nema gott um það að segja :D og svo er að koma sparkvöllur sem er gott fyrir boltasparkandi manneskjur ;)

Ég ákvað að rifja upp og fór á bókasafnið og fékk lánaðar Sossubækurnar eftir Magneu frá Kleifum. Þetta eru yndislegar bækur, maður hverfur inn í annan heim við að lesa þær og ég er fegin því að hafa endurnýjað gömul kynni við þær. Ég þyrfti líka að fara að lesa Elías-bækurnar aftur, allar eftir Guðrúnu Helgadóttur, Astrid Lindgren, Roald Dahl og Tobías og Tinnu-bækurnar. Allar eiga þessar bækur það sameiginlegt að vera betri en bestar.

Ein hugleiðing: Er viðeigandi að byrja að hlakka til jólanna þegar sumarið er svo gott sem búið? Veit það ekki, en þetta hellist yfir mig í hvert sinn sem skólinn byrjar! :haha:

Jóna :D

Lag dagsins: Respect með Aretha Franklin

ÓKÍ DÓKÍ....

Thu, 23 Aug 2007 16:55:50 GMT

Í gærkvöldi lá ég upp í rúminu mínu og var að lesa, þegar að ég fór að finna fyrir einhverju afkaplega óþægilegu, en jafn framt fyndnu, í vinstra auganu á mér. Í þetta skiptið gat ekki verið um að ræða tvö pör af linsum eða eitthvað í þá veru. Þetta lýsti sér þannig að mér fannst eins og það væri einhver skjálfti í auganu á mér sem kom og fór. Ef að einhver hefur minnstu hugmynd um hvað þetta er eða af hverju þetta getur stafað er sá hinn sami beðinn um að tjá sig.

Það er ný ást í lífu mínu! ......

.......Fataskápur! Þvílík sæla að þurfa ekki lengur að hafa herðartré hér og þar um herbergið fötin sín samanbrotin ofan á pappakassa. Þurfti samt að færa fórnir til að rýma fyrir þessari nýjung. Ég þurfti að losa mig við skrifborðið mitt og þeir sem þekkja til vita að það er ekki í minni kantinum. Það var ekki sársaukalaust að fjarlægja það og svo virðist sem að megnið af dótinu mínu hafi átt samastað í þessu blessaða skrifborði mínu. En nú er það allt í pappakössum og bíður þess að fá nýjan stað.

Í dag eru 24 dagar þangað til að ég byrja í menntaskóla, gaman gaman

Halldóra

Stuð að eilífu

Tue, 07 Aug 2007 15:42:45 GMT

Já. Nú ætla ég að reyna að rausa eitthvað, sem verður sjálfsagt misskemmtilegt, en það má reyna.

Á laugardaginn var útlitið svona fyrir versó: Liggja inni í súldinni undir teppi og lesa 3. bindið af Dalalífi alein og úldin. Þetta fannst mér grátlega sorglegt plan og þakka mínum sæla fyrir að raunin varð önnur.

Á laugardaginn buðu nefnilega frænkur mínar mér að koma með sér á Pál Óskar í KA-heimilinu. Og ótrúlegt en satt frítt fæði og húsnæði yfir helgina hjá Mimmý:haha: ;)

Ég fann ekkert far þannig að ég henti öllum þeim leppum sem að ég gæti mögulega verið í ofan í tösku og rauk upp í rútu. Þar var maður sem talaði við sjálfan sig og söng alla leiðina.

Palla ballið var í einu orði sagt snilld og restin af helginni langt frá því að vera leiðinleg ;) Þar sem að Eygló og Þórey komu ekki inn eftir á sunnudaginn mátti ég taka rútuna klukkan 8 á mánudagsmorguninn og fór út á Arnarvatnsbrúnni þar sem að Arna sótti mig á kagganum sínum og við fórum í vinnuna, þar sem að ég var langtfrá mínu besta :lol:.

Um kvöldið komu Freysteinn og Hallgrímur og testuðu heyhús systra minna. Þar sátum við um stund mauluðum mjólkurkex og vorum súr í hausnum. Yndislegt alveg:haha:. Svo fer ég suður á morgun, en því miður fer ég ekki með "kaffivélinni" í þetta skiptið;) Þar ætla ég að heimsækja eitthvað fólk og svo ætlum við Freysteinn á Gay Pride8).

Adios, Halldóra:haha:

Myndablogg- lífið í skólanum!

Tue, 24 Jul 2007 17:49:12 GMT

Já þegar sumarið er í algleymingi er gaman að líta á myndir sem eru teknar í skólanum. (Tók þessar af myndasíðunni hennar Halldóru vonandi fyrirgefur hún mér :haha:)

Þegar nemendur í Reykjahlíðarskóla finna sér ekkert betra að gera..skalla þeir rusatunnur

..nú eða bregða sér í gervi Aðþrengdra Eiginkvenna!

Allir sætir og prúðir á fótboltamótinu góða :D

Brjálað stuð á balli! ;)

Fyrirmyndar starfsfólk í sjoppunni!

Afslöppun :)

Jæja þá er þessu lokið!

Jóna :D

Sunnudagur

Sun, 22 Jul 2007 19:19:17 GMT

Jæja ég er búin að vera ekkert smá dugleg gott fólk. Fór með gönguhóp forldra minna að labba og er búin að labba í kring um 20 km á dag seinustu þrjá og má þar nefna Þrengslaborgir, Heilagsadal, Ketildyngju, Fremri námur, Seljahjallagil sem er magnað fyrirbæri. En svo er ég bara í fríi í dag þar sem að ég fékk allsvakalega blöðru á eina tánna og má vart á milli sjá hvort um er að ræða tá eða blöðru svo stór er hún. En þrátt fyrir það er ég búin að vera svakalega dugleg í dag ég er búin að þrífa herbergið mitt eins og ég hefði setið á bekk í húsmæðraskóla svo árum skipti þvílík þrif hafa ekki farið fram á mínu verelsi síðan einhvern tímann fyrir tíð yngstu barna ættarinnar. Einu hef ég tekið eftir í fari mínu undanfarið og það er að ekki má hallmæla íslensku sauðkindinni fyrir mínum eyrum án þess að ég stökkvi upp á nef mér. Guð hjálpi mér. Góðar stundir Halldóra - Þess má máske geta að ég er ekki í fríi frá vinnu vegna blöðrunnar heldur bara frá frekari labbitúrum ég er fyrirfram ákveðnu fríi í dag ...og stelpur ég á afmæli í dag- skæl skæl.